泰國🇹🇭同緬甸🇲🇲之間有三個陸路過境關卡，大其力(Tachiliek)、棉瓦迪(Myawaddy)同埋高當(Kawthoung)，依三個都需要做正式既出入境手續。
-
但其實如果純粹為咗達成以步行形式由泰國跨越國界去緬甸依個仼務，其實仲有第4個選擇-Ban Rak Thai(愛泰村/密窩).
-
位於Mae Hon Son既Ban Rak Thai (愛泰村/密窩)，距離緬甸不足一公里，係一條泰緬邊境既一條華人村落，村係由當年既泰北孤軍，國民黨93師建立，有一段好悲壯嘅歷史，係依條村裹面基本上都係華人後裔，所以即使年輕一代唔多唔少都識講啲中文。全條村以一個人工湖為中心，圍繞住既係一群中國特色既建築群，當中有餐廳，有民宿，有咖啡店，手信店，手信店既主要賣茶葉為主。
-
由村中心向北出發一公里左右，就會到我所講既第四個通去緬甸既方法，依到係一個好簡陋既一個關卡，停左部車係關卡格黎，就會見到泰國方有5-6個軍人駐守。
-
曾經網上睇，係依到過境需要放低Passport做抵押，但我果時就咁問佢:Can I go inside?佢好順攤咁話Ok😂咁我就就咁大搖大擺穿出泰國既國門，其實由泰國牌坊行去緬甸果邊其實只係大約50米左右，同樣地，去到緬甸果邊都係有軍人，但都係同佢地打聲招呼之後就直出直入。
-
點解我會話[如果純粹為咗達成以步行形式由泰國跨越國界去緬甸依個仼務]，可以選擇去依到，如果你由地圖上睇，除左過左境果個Area之外，一直延伸既係荒無地帶，係根本去唔到內陸😂😂😂
-
咁依個Area呢，其實有一間好小形既村校，小朋友雖然口講佢地自己既語言，但學校掛既係泰王像，可能泰方對佢地有做到一啲扶貧之類既工作。除左學校，仲有一間博物館係講關於民族既，會介紹唔同地區有咩民族同有啲圖片咁樣。其實行去緬甸，最大得著係可以幾分鐘裹面感受到兩邊既生活有咩唔同，雖然Ban Rak Thai都係鄉村地方，但係緬甸果邊其實比泰國依邊更落後。
-
基本上，係緬甸果邊大約30分鐘就會行得晒，跟住就原路入返去泰國。
-
無論Ban Rak Thai定係我講既依個方法，都算係深度遊，可能會比較適合對歷史/文化有興趣既人去。但係對於我依啲純粹為咗達成以步行形式由泰國跨越國界去緬甸，都係一個唔錯既選擇！😂😂😂
-
#泰國
Search